Një tjetër person publik është infektuar me Covid-19. Bëhet fjalë për këngëtaren e njohur Diona Fona e cila ka njoftuar në rrjetet sociale se është prekur nga virusi. Ajo bën me dije se ndodhet në gjendje të stabilizuar dhe është izoluar në shtëpi, teksa bën edhe një thirrje për qytetarët.
Diona ka postuar një video në Instastory ku shfaqet me maskë, teksa thotë se nuk ka qenë aktive këto ditë pikërisht sepse është infektuar. Këngëtarja ka premtuar se ditën e nesërme do realizojë një video live në Instagram, ku do bashkëbisedojë me fansat e do flasë për eksperiencën e saj.
Diona është shumë aktive në muzikë dhe ka publikuar pak kohë më parë këngën e saj “Xhani”, që rezultoi shumë e suksesshme.
Deri tani kanë qenë disa figura publike që janë infektuar nga Covid-19, si: Florjan Binaj, Stresi, Art Abazi, Nora Malaj, Rajmonda Bulku, Ledio Lako, Gent Sejko, Agron Llakaj, Albin Kurti, Blerina Gjylameti, Xhani Shqerra, Alketa Vjesiu, Valton Krasniqi, Xherdan Shaqiri, Silva Bino, Arjola Shehu, etj.
