Artistët shqiptarë herë pas here po sjellin albume, ku këtë vit përmendim “10/10” të Ledrit apo “Mozzart” të Mozzik. Edhe viti tjetër duket se do të jetë i mbushur plot me albume, të cilat mezi presim t’i dëgjojmë. Më poshtë, po listojmë disa prej albumeve që priten të publikohen vitin ardhshëm

Aurela Gaçe

Në gusht të vitit të kaluar, Aurela Gaçe publikoi këngën “Më Mbaj” dhe tregoi se kënga në fjalë do të jetë pjesë e albumit të saj të ardhshëm që është në proçes e sipër.

Ronela Hajati

Ndonëse këtë vit nuk solli asnjë projekt muzikor, Ronela ka treguar në Instagram se po punon për albumin e saj visual që pritet të publikohet në mars të vitit të ardhshëm.

Dafina Zeqiri

Dafina, jo vetëm ka treguar që do të sjellë një album, porn a ka treguar edhe titullin “Dafinë, moj”. Këngët e saj të fundit do të jenë pjesë e listës së këngëve të albumit.

Xhensila Myrtezaj

Në një postim të hershëm në Instagram, Xhensila ka treguar se po punon fort për t’i sjellë dashamirësve të saj këngë të reja dhe një album. Meqë këtë vit na mungoi me një projekt solo, por vetëm me bashkëpunimin “Panorama” me Ardian Bujupin, viti tjetër do na sjellë edhe një album nga Xhensila.

Tuna

Tuna kishte deklaruar se në tetor të vitit të kaluar do të sillte një tjetër album pas “Fortuna”. Mirëpo ardhja e pandemisë dhe ngjarjet në jetën e saj personale i kanë shtyrë planet për vitin e ardhshëm

Sinan Hoxha

Në shtator të këtij viti do të kishim në duar një album dhe ndoshta, edhe një koncert recital nga Sinan Hoxha. Mirëpo, situata pandemike i shtyu planet edhe për Sinanin.

Kështu, ndonëse ky vit ishte paksa i vakët me prodhime muzikore, viti tjetër duket se do ta kompesojë mjaft mirë mungesën.

Juliana Pasha është një nga këngëtaret më të njohura shqiptare, fituese edhe  e çmimeve të rëndësishme, por nëse karriera e saj ka qenë gjithmonë në qendër të vëmendjes se mediave dhe publikut, Juliana është kujdesur që jetën private ta mbajë pikërisht të tillë, private.

Për ju që nuk e dini artistja është e martuar me një muzikant, kitaristin Altin Llakaj dhe ata janë gjithmonë në shoqërinë e njëri-tjeterit. Kjo pasi Altini është pjesë e bandës muzikore që shoqëron “live” Julianën në çdo performancë.

Ndërkohë ditën e djeshme, e ftuar në emisionin “E Diela Shqiptare”, si pjesë e rubrikës “Ti mund të këndosh”, këngëtarja foli si rrallë herë për familjen. Ndër të tjera, e emocionuar, Juliana tha për Ardit Gjebrean se sfida më e madhe e saj dhe bashkëshortit është mosardhja e një fëmije.

Pasha tha se ata vazhdojnë të kenë shpresa që Zoti do t’i bekojë me një fëmijë e nëse jo, opsionet janë të hapura. E rëndësishme për të është që ajo dhe Altini kanë dashuri dhe besim, po ashtu që kanë pranë edhe Odesën, vajzën e muzikantit nga martesa e parë.

“Sfida më e vështirë që vazhdon të jetë ende dhe në dashtë Zoti të kalojë, por edhe nëse nuk kalon nuk ka problem për ne, ka qenë mosardhja në jetë e fëmije. Gjithsesi jeta është e gjatë, kemi akoma kohë përpara, do presime dhe disa vite. Nëse Zoti na bekon me një fëmijë do të jemi çifti më i lumtur, nëse jo opsionet janë të hapura.

Unë mendoj që kur çifti është shumë i lidhur me njëri-tjetrin, ka dashuri, nëse dashuria thyet si është fëmija si nuk është fëmija, nëse besimi thyhet dhe shumë gjëra në marrëdhënien e një çifti thyhen, ndodh dhe ndarja. Unë dhe Altini jemi një trup i vetëm.

Në momentin që kemi bërë betimin tonë në kishë, kemi bërë një gjest shumë të bukur për ne të dy. Ishin dy qirinj që ne ndiznim një qiri të tretë. Ai qiri i tretë personifikonte perëndinë, këta dy qirinjtë ishim unë dhe Altini dhe ne e kemi ndërtuar marrëdhënien tonë si një trekëndësh, jemi ne të dy dhe kemi Zotin në mes që na mban fort, jetën, familjen, marrëdhënien  e përditshme, punën, gjithçka.

Unë besoj që marrëdhënia jonë do të shkojë derisa të mbyllim sytë të dy së bashku dhe nuk ndodhë asnjë gjë. Nëse Zoti do na bekojë me një fëmijë, faleminderit, nëse jo do jemi bashkë me njëri-tjetrin dhe dashtë Zoti do kemi Odesën pranë nëse do dojë të na bashkohet kurdo që të ketë dëshirë”– tha Juliana mes lotësh.

Jessie J ka zbuluar se vigjiljen e Krishtlindjes e kaloi në spital pasi humbi dëgjimin papritur në njërin vesh dhe kishte vështirësi në lëvizje. Këngëtarja e njohur ndau me ndjekësit në Instagram shqetësimet e saj shëndetësore, ku shpjegoi simptomat që pati dhe në momentin kur shkoi në spital, u diagnostikua me sëmundjen Meniere.

“Kur u zgjova në mëngjes ndjeva sikur nuk dëgjoja asgjë nga veshi im i djahtë. Pastaj vura re që nuk mund të ecja dot drejtë. Më thanë që vuaja nga sindorma Meniere. E di që shumë njerëz vuajnë nga ajo dhe kam marrë shumë këshilla prej tyre, gjithsesi kisha vendosur që ta mbaja për vete. Tani është hera e parë që flas për të. “

Sëmundja Meniere është një gjendje e veshit që mund të shkaktojë vertigo dhe ndjenjën që gjithçka rreth teje po rrotullohet. Që do të thotë se qëndrimi dhe ecja drejtë bëhen shumë të vështira. Simptoma të tjera janë të vjellat dhe humbja e ekuilibrit.

Në përditësimin që bëri për gjendjen e saj shëndetësore, Jessie tha se ishte duke parë serialin “The Queen’s Gambit”, teksa mbante një gisht në veshin nga i cili nuk dëgjon, ndërkohë që e kishte parë një seri 4 herë pasi nuk mund të përqëndrohej dhe i duket sikur dëgjon gjatë gjithë kohës zhurmën e një tharëseje flokësh.

Gjithsesi ajo tha se mund të ishte më keq dhe është shumë mirënjohëse për shëndetin që ka. Fatmirësisht arriti ta kapë sëmundjen herët, gjtihçka shkoi mirë dhe me ilaçet e duhura do të ndihet më mirë.

Në një intervistë së fundmi Rita ka treguar se në të njëzetat e saj ka qenë e frikësuar pasi e ëma u diagnostikua me kancer në gji. Kjo shkaktoi kriza paniku tek këngëtarja, e cila jo vetëm dëshironte të ndihmonte të ëmën, por kishte edhe frikën se do të diagnostikohej gjithashtu me kancer.

“Mamaja ime ka luftuar dy herë me kancerin dhe kam kaluar një periudhë të vështirë. Ndihesha përgjegjëse për t’u bërë një vajzë e fortë. Mamaja ime nuk kishte kokërr në gjoks, ajo kishte thjesht një dhimbje të fort. Unë kam bërë testin BRCA (testin e trashëgueshëm të kancerit të gjirit) dhe testin e gjenit dhe për fat të mirë, nuk e kam gjenin.

Por gjithsesi unë sërish kontrollohem rregullisht. Gjenetikisht, ne nuk kemi pasur ndonjë histori me kancer gjiri në familje përpara nënës sime, por ajo sërish u diagnostikua”-tregoi Rita.

Këngëtarja foli edhe për ankthin duke u shprehur se ende nuk e ka kuptuar si ta përballojë.

Zëvendës Kryeministri i Maqedonisë së Veriut, Artan Grubi, ka shkarkuar këngëtarin Shpat Kasapi, nga pozita si këshilltari i tij.  Lajm i konfirmuar edhe nga vetë Gurubi për ‘’Klan Kosova’’.

Ky vendim ka ardhur menjëherë pasi mediat maqedonëse raportuan ditën e sotme se këngëtari është arrestuar, pasi u kap me drogë të llojit kokainë para një muaji. Madje thuhej se ndaj tij ishte ngritur një padi dhe se po pritej të fillonte gjykimi për veprën penale që ka kryer

Gjithsesi, Shpati Kasapi i ka mohuar të gjitha këto akuza duke i cilësuar si shpifje përmes një foto të postuar në Instagram duke treguar se ndodhej në Tiranë momentalisht.

Ditën e sotme U raportua se Shpat Kasapi ishte ndaluar 1 muaj më parë me dy pako me kokainë dhe ishte arrestuar, teksa ndaj tij ishte ngritur një padi dhe po hetohej në gjendje të lirë. Duke qenë se këngëtari është edhe këshiltlar i zv.Kryeministrit të Maqedonisë, Artan Grupi, mediat kërkonin reagim nga ky i fundit për skandalin që kishin zbuluar.

Ndërkohë, pasi lajmi u shpërnda në të gjitha mediat, ka ardhur edhe reagimi i parë nga vetë Shpati. Me anë të një postimi në Instagram, ai tregon se është në Tiranë “për qef”, ndërsa të tjerët e kanë nxjerr në burg. Po ashtu ai thotë “faleminderit për shpifjet” dhe “vazhdoni kështu”.

Gjithsesi mbetet e paqartë nëse këngëtari është arrestuar vërtetë një muaj më parë, sepse që nuk ishte në burg kjo u kuptua.

Premtimet e një babai ndaj fëmijës së tij janë ato më të bukurat. Njësoj si ky i fundit nga Gjiko për vogëlushin e tij, Zëri. “Do bëj gjithçka që të shoh ty të qeshësh”, ka shkruar ai krah fotos me të birin gjatë setit të fundit të realizuar në muajt e fundit të shtatzënisë së Elitës.

Vëmendjen e ndjekësve e ka marrë si çdo herë tjetër ciltërsia e Zërit, por dhe pamja e çiftit, e cila nuk ka zhgënjyer me ‘look-un’ që kanë zgjedhur kësaj here.
Dy partnerë në krim si Elita dhe Gjiko, të cilët shumë shpejt presin të bëhen prindër për herë të dytë me një vajzë.

Këngëtari i njohur shqiptar Shpat Kasapi, raportohet se është kapur me drogë të llojit kokainë, në Maqedoninë e Veriut.

Shpat Kasapi, i cili është emëruar edhe si këshilltar i zv.rkyeministrit të Maqedonisë së Veriut, Artan Grubi, është ndaluar një muaj më parë me dy pako me kokainë. Mediat që kanë zbardhur skandalin, bëjnë me dije se këngëtari shqiptar është kapur në lagjen “Gjorce Petrov” dhe se ai është arrestuar, ndaj tij është ngritur edhe një padi, por më pas është liruar dhe do të gjykohet në gjendje të lirë. Hetimet pritet të fillojnë së shpejti.

Mediat kërkojnë një reagim zyrtar nga Artan Grubi, që ende nuk ka ardhur. Po ashtu nuk ka asnjë reagim edhe nga këngëtari.

Futbollisti serb nga Novi Pazari, Adem Ljajiç po përballet me depresionin. Te kjo gjendje, futbollistin serb e ka sjellë ndarja me modelen, Sofia Millosheviç dy vite më parë, bëjnë të ditur mediat turke.

29-vjeçari ishte në lidhje me modelen e famshme serbe, të fejuarën aktuale të sulmuesit të Real Madridit, Luka Joviq.

Karriera e lojtarit, Ljajiç këto vite është shënuar nga skandale të shumta, madje këtë sezon lojtari nuk është aktivizuar asnjë minutë, ndërsa klubi turk kërkon ta heqë qafe, por është paga e lartë e lojtarit që e pengon këtë veprim.

Dy prej emrave më të njohur në glob duket se do të sjellin dhuratën e shumëpritur për fansat e tyre.

Bëhet fjalë për Adele dhe Beyonce, të cilat prej vitesh kanë qenë nën shënjestrën e pyetjeve rreth një bashkëpunimi mes tyre, duke qenë se dashuria e Adele për këngëtarën e “Formation” është treguar disa herë dhe e anasjelltas. Mirëpo, koha e publikimit po afrohet.

Fillimisht, kanë qenë producentët e Grammy Awards, të cilët kanë konfirmuar se Adele do të jetë prezente në ceremoni, por edhe Beyonce do të performojë në 31 janar.

Sakaq, burime pranë dyshes tregojë se dyshja kanë gati këngën dhe videon, por jo vetëm. Ato kanë regjistruar edhe një performancë virtual që do të transmetohet gjatë ceremonisë së Grammys në 31 janar.

Duket se viti i ri do të nisë me lajme të mira!

Liridon Krasniqi, një nga futbollistët e njohur shqiptarë me karrierë ndërkombëtare, ishte i ftuar mbrëmjen e sotme në “Shiko Kush LUAN”. Krasniqi është po ashtu një emër i njohur për mediat rozë, nisur nga fakti që përflitet prej kohësh për një lidhje me shoqen e ngushtë të Kim Kardashian, Larsa Pippen.

Ndër të tjera, futbollisti ka zbuluar të vërtetën e marrëdhënies së tij me Pippen në program, teksa u vendos në sfidën e tij përballë një pyetje të thjeshtë.

“A është i vërtetë lajmi për këtë marrëdhënie mes tij dhe Larsa-s?” dhe nëse nuk është i vërtetë, duhet të tregonte bisedën me të.

Krasniqi tregoi se nuk është në një lidhje me Pippen, gjë që në fakt e ka thënë edhe më parë, por bisedën me të nuk e tregoi pasi tha se i ka fshirë mesazhet me të.

Nuk e dimë për ju por ne ende vazhdojmë të kemi dyshime…

Këngëtarja e njohur shqiptare Leonora Jakupi ishte e ftuar në puntatën e sotme të programit “Shiko Kush LUAN”, i cili kishte si temë “Krishtlindjen”,

Duke qenë se mbrëmja i ishte dedikuar kësaj feste nuk kishte si të mungonte edhe Babagjyshi i Krishtlindjes, i cili erdhi në studion e emisionit për të marrë dëshirat e të ftuarve të sotëm, për vitin 2021.

Një nga dëshira më speciale ishte pikërisht ajo e Leonora Jakupit, e cila i shkruajti Babagjyshit këtë dëshirë: “Për vitin 2021 do të doja një fëmijë, domethënë një bebe për mua, jo kukull!”

Megjithatë, duke e parë këngëtaren gjatë mbrëmjes dhe fotot e saj në rrjetet sociale, lind pyetja: mos ndoshta ardhja në jetë e një fëmijë vitin e ardhshëm për Leonorën është në fakt një plan konkret më shumë se një dëshirë. Mos ndoshta Jakupi është në pritje të ëmbël?

Për momentin është vetëm një dyshim, megjithatë presim për konfirmimin e këngëtares.

Kemi një lajm të mirë për të gjithë fansat e One Direction. Kohët e fundit po qarkullon nëpër media thashetheme se mund të ndodhë një i ribashkim i mundshëm i grupit muzikor 1D në 2021.

“Shanset e ribashkimit të djemve po shkojnë vetëm në një drejtim. Ky është një lajm i shkëlqyeshëm për fansat që duan një rikthim të tyre,” – deklaroi Alex Apati për Daily Express.

Ndërkohë, të njëjtat zëra qarkulluan edhe për një ribashkim të One Direction në fillim të korrikut për 10-vjetorin e tyre.

Por ribashkimi nuk u realizua për shkak të pandemisë.

Asokohe, një burim foli për revistën Page Six duke thënë: “ Ka ende shumë për të bërë dhe shumë pengesa. Padyshim, për momentin çdo gjë që ata do të bënin do të duhej të bëhej virtualisht. Por ka shumë vullnet të mirë midis tyre tani dhe ata duan të bëjnë diçka”.

Liam Payne, Harry Styles, Louis Tomlinson, Niall Horan dhe Zayn Malik formuan bandën e tyre muzikore që do korrte sukses për vite me radhë në 2010 për The X Factor.

Në vitin 2015, Zayn Malik njoftoi vendimin e tij për t’u larguar nga banda. Më pas Harry Styles, Tomlinson, Payne dhe Horan vendosën të qëndrojnë pa Zayn në grup, por gjithsesi 1 vit më vonë grupi u shpërbë.

Këngëtarja e njohur, Leonora Jakupi ka qënë mbrëmjen e së shtunës e ftuar në progamin ‘’Shiko Kush Luan’’, ku ndër të tjera u bë pjesë e sfidës ‘’Ndaje ose pije’’,

Leonora u pyet mbi emrin e personazhit publik shqiptar, që e konsideron mk/mikeshë dhe emrin e personazhit që nuk do t’i fliste. ’Mikeshë për kokë’’, Leonora zgjodhi këngëtaren Jehona Sopi, ndërsa si personazhin që nuk i fliste dhe nuk ka asnjë lloj marrdhënie përmendi Nora Istrefin.

“Unë nuk jam person që mbaj inate, por hë për hë nuk do i flisja Nora Istrefit. Janë arsye të forta, se ka bërë një gabim të madh ndaj meje. Ajo duhet të më kërkojë falje ‘’ – deklaroi artistja gjatë sfidës.

Po çfarë ka ndodhur mes artisteve?

Shkak për prishjen e marrdhënies mes tyre është bërë kënga ‘’Sa t’kom dasht’’, e kompozuar nga Flori Muamjesi për Leonora Jakupin. Kjo e fundit ia tregoi në atë kohë mikeshës së saj Norës, e cila e rregjistroi vjedhurazi, në një studio tjetër muzikore.

Edhe pse Nora Istrefi ka kryer të gjitha detyrimet ligjore ndaj marrjes së këngës në mënyrë të tillë, duket se kjo nuk ia ka kthyer miqësinë me Leonorën, të paktën derisa të vijë ndjesa.

Mbretëresha, cdo Krishtlindje i bën nga një dhuratë 1.500 të punësuarve të saj, por ajo është mjaft simbolike: monarkja u dhuron një puding, bashkë me urimet e saj dhe të bashkëshortit, princit Philip! Këtë traditë e kishte nisur gjyshi I saj, Xhorxhi i V-të përpara luftës. Por ndërsa vitet e shkuara, punonjësit e pallatit mbretëror merrnin nga një ëmbëlsirë të këtij lloji nga firma të famshme, këtë vit, sipas revistës Hello, mbretëresha ka vendosur që ato të blihen në supermarket për 6 paundë.

Ndërkohë, stafi i ngushtë që punon prej shumë kohësh në pallat, do të marrë një kupon për blerje, vlera e të cilit mund të shkojë maksimumi në 35 paundë.

Nëse keni menduar ndonjëherë për ish-partneren e të dashurit apo bashkëshortit tuaj e menjëherë në mendje iu kanë ardhur mendimet më të errëta, ne ju themi se me pak përpjekje gjithçka mund të duket, madje dhe të jetë normale.

Këtë e provon dhe rasti i Afronës me Teutën, ish-bashkëshorten e Bleros, e cila për Krishtlindje ka vendosur t’i bëjë një dhuratë Dikës.
“Faleminderit Teuta, mezi po pres ta përdor këtë maskë për fytyrën”, ka shkruar Afrona krah postimit ku duket dhurata dhe buqeta me lule.

Teuta ka treguar më parë se gëzon një marrëdhënie shumë të mirë me Afronën dhe Bleron dhe këtë e kanë provuar vazhdimisht fotot apo urimet e ndryshme që ata kanë ndarë në çdo intervistë e dalje publike.

Një foto e vetme urimi ka zbuluar jo vetëm partnerin e Shkurte Gashit, por dhe një foto të djalit të tyre i cili erdhi në jetë vetëm pak ditë më parë.

Burime pranë ‘Prive’ kanë konfirmuar faktin se partneri i këngëtares quhet Albert dhe se lidhja e tyre e gjatë ka qenë përherë larg vëmendjes së publikut.

Vetë Alberti ka ndarë edhe një foto me vogëlushin e shtëpisë, Malin, në krahë, duke shuar për ndjekësit kuriozitetin se si duket djali i tyre.

Shkurte ka zgjedhur të mos ndajë asnjë detaj në rrjetet sociale, përherë duke ruajtur privatësinë maksimale dhe duke u treguar tepër e rezervuar edhe gjatë momenteve më të ëmbla në jetën e saj

Marrëdhënia e Tunës me Patrisin është kthyer në një telenovelë të vërtetë. Në fillim të këtij muaji, një veprim i këngëtares bëri që portalet të ziejnë me lajmet e ndarjes së çiftit.

-Tuna heq mbiemrin e Patrisit nga Instagrami i Tiranit.
-Roberti publikon video me Tianin dhe thekson se ai e ka mbiemrin Berisha.
-Patrisi reagon duke publikuar video me të birin dhe duke bërë të qartë që mbiemri i tij është Berisha.
-Tuna largohet nga shtëpia dhe niset në SHBA.

Po në SHBA ç’do? Tuna do të rikthehet në muzikë pas më shumë se 1 viti mungesë.
“Prive” ka mësuar se përtej oqeanit, Tuna po realizon disa këngë me producentë amerikanë. Epo ja një lajm i mirë pas gjithë kësaj gjullurdie.

Pas ardhjes në jetë të Poemës, postimet e Sarës tani janë më së shumti me vogëlushen dhe jo vetëm që nuk po e fsheh aspak nga syri i publikut e nga rrjetet sociale, por Sara shpeshherë edhe i bën për të qeshur ndjekësit.

Kështu ka vepruar edhe me postimin e fundit, ku Poema tregon se Ledri na paska “gënjyer” në tekstin e këngës së re.

“Dje kur u ngrita në mëngjes isha vetëm në shtrat”, këndon reperi, por në fakt pranë tij ka qenë vogëlushja, prandaj dhe mami Sara thotë: “Po ça thu o ba?”, duke i bërë për të qeshur ndjekësit, por edhe dua ia ëmbëlsuar mbrëmjen me këtë foto.

I ftuar në ‘Shiko Kush Luan’, Getinjo i është përgjigjur publikisht reperit S4mm, i cili është shprehur më parë në program se reperi nuk e meriton famën që ka.

“Më ka qëlluar mua se me siguri ka menduar se unë meritoj më shumë”, është përgjigjur Getinjo duke treguar se nuk ka asgjë me reperin tjetër me një përgjigje diplomate.

Getinjo nuk ka mundur t’i shpëtojë as pyetjes rreth marrëdhënies së Mozzik me Loredanën nëse ata janë kthyer bashkë. Ai e quajti këtë pyetje një pyetje të keqe, pasi kjo është diçka shumë personale për të cilën nuk mund të përgjigjet ai. Megjithatë reperi shtoi se Mozzik dhe Loredana do jenë bashkë gjithë jetën për një arsye më të madhe dhe kryesore siç është vajza e tyre, Hana.

“Lumturia është më e madhe tek gratë që bëhen nëna në moshë të madhe, ndërsa tek nënat e reja efekti është më jetëshkurtër”, kështu thonë studimet. Të bërit nënë në moshë të madhe ka disa përfitime mbresëlënëse dhe Cameron Diaz është një shembull ideal. Historia e saj mund të ndryshojë mendjen e njerëzve që kishin dyshime për të mbetur shtatzënë pas të 40-ave.

Aktorja e famshme Cameron Diaz ka ndarë me të gjithë historinë e saj duke zbuluar edhe më shumë detaje. Ishte një udhëtim i gjatë drejt mëmësisë, por mrekullia ndodhi në Dhjetor të 2019-ës, Cameron Diaz dhe burri i saj, Benji Madden, u bënë prindër për herë të parë në jetën e tyre. Ky lajm shpërtheu në internet dhe u bë një temë e popullarizuar për bisedat e mëmësisë në moshë të vonë.

Diaz u dha shpresë të re grave që hoqën dorë nga përpjekjet për të pasur një fëmijë.

Edhe pse aktorja përpiqet ta mbajë të fshehtë prindërimin, por miqtë e çiftit zbuluan se ata janë përpjekur për vite me radhë dhe më në fund sollën në jetë një vajzë me emrin Raddix. “Ata kaluan aq shumë për të arritur në këtë pikë,” tha një burim.

Diaz tregon se ajo i dha më shumë se gjysmën e jetës së saj për publikun dhe tani ajo mendon se është në rregull të marrë kohë për veten.

Ajo është e lumtur, e bekuar dhe mirënjohëse që filloi një dekadë të re me një fëmijë. Dhe një nga qëllimet e saj kryesore është të mbrojë të voglën e saj.

Në një intervistë me Jimmy Fallon, Diaz rrëfeu se kalimi i kohës me vajzën e saj ishte një formë e vërtetë e parajsës. Dhe ne e besojmë atë sepse ajo duket kaq e freskët dhe paqësore. Ajo vazhdoi duke shpjeguar se gjëra të tilla nuk i kanë ndodhur kurrë asaj dhe Benjit.

Diaz ironizon veten dhe thotë se telefoni i saj nuk është më plot me fotografi të qenve të saj dhe këlyshëve të tyre. Diaz tani është një mami krenare që i pëlqen të shohë vajzën e saj duke parë babanë e saj me dashuri të pakufishme.

Ka ende presion për të qenë nënë në moshën 47 vjeç.

“Të kesh një familje kur je i ri, është si çdo gjë kur je i ri, ti e bën atë. Kur të jeni në moshën time dhe vendosni ta bëni, është një zgjedhje e vërtetë. Ju me të vërtetë duhet të punoni shumë për të”, shprehet aktorja.

Beyonce do dhurojë 500 mijë dollarë për familjet që janë prekur nga Covid dhe që kanë humbur të dashurit e tyre. Kjo do të jetë një formë kompesimi për ata që pandemia i ka dëmtuar shpirtërisht dhe financiarisht.

Paratë kanë kaluar nga llogaria e saj në atë të fondacionit BeyGood që prej aty do të shpërndahen.

Kjo nuk është hera e parë që Beyonce angazhohet në kauza të tillë dhe s`është as e vetmja që këto Krishtlindje po dhuron për familjet në nevojë. Kim Kardashian, Jessica Alba, Rihanna janë sensibilizuar gjithashtu që festa të mos mungojë askund, edhe pse në ditë e kushte të pazakonta.

Tom Cruise dhe kolegia e tij Hayley Atwell janë në një lidhje. Kështu po e interpretojnë mediat e huaja lidhjen e tyre të ngushtë gjatë dhe jashtë xhirimeve. Cruise dhe Atwell po xhirojnë “Mission Impossible 7” dhe janë gati të pandashëm.

Tom Cruise 58 vjeç nuk shquhet për lidhje të shumta romantike. Që nga ndarja me Katie Holmes, në 2021-ën nuk ka dalë publikisht me ndonjë vajzë. Kurse Hayley, 38 vjeç, ka më pak se një vit që është ndarë nga i dashuri i saj mjek.

“Xhirimet, por edhe pandemia i ka bërë gati të pandashëm. Ata kalojnë shumë orë bashkë edhe jashtë sheshit të xhirimit dhe duken të lumtur”, thotë një burim pranë tyre.

Çifti i njohur i showbizit shqiptar, Xherdan Shaqiri dhe këngëtarja Dhurata Ahmetaj po flitet se janë ndarë.

Dyshja nuk kanë reaguar kurrë publikisht për lidhjen e tyre, por dyshimet kanë nisur nga një postim i bërë nga Dhurata në Instastory. Ajo ka lënë të kuptohet se është single dhe në jetë ka qëllime të tjera.

“Të gjithë janë shtatzënë, të fejuar apo të martuar. Unë thjesht dua të humbas peshë dhe të udhëtoj”, shkruhet në një foto të shpërndarë nga këngëtarja në Instagram.

Kujtojmë që lidhja e dashurisë së çiftit u zbulua gjatë periudhës së karantinës, pasi Dhurata kishte udhëtuar disa herë drejt Anglisë, vendi ku futbollisti i Liverpoolit jeton.

Jessica Kadiu si një nga modelet më të përfolura kohëve të fundit, vazhdon ende të marrë vëmendje.Së fundmi, ajo ka zhvilluar një bisedë me ndjekësit e saj.

Fotoja e fundit në telefon?, ishte pyetja e njërit prej ndjeksëve dhe Jessica nuk hezitoi t’i kthej përgjigje.

Ajo publikoi një ‘screenshot’ në të cilën shihej një thënie. “Seksi në kuzhinë, sepse është e vetmja mënyrë për t’u vendosur në një ishull gjatë 2020-tës”.

Prej kohësh, këngëtari i njohur Shpat Kasapi është përfolur për marrëdhënien me partneren e tij Selvie. Ndonëse, pak ditë më parë në media shkruhej se çifti ishte ndarë, e vërteta qenka krejt e kundërta.

Me anë të një fotoje në Instagram, Shpati ka treguar se dashuria mes tij dhe Selvies është kurorëzuar në një fejesë.

Këngëtari ka shpërndarë një foto të duarve të të dyve me unaza dhe shkruan “24.12.2020”.

Bjondia e përhershme dhe një ish e “tërbuar” pas extensions, Britney Spears, u shfaq papritur me një prerje të re flokësh në Instagram, që u pëlqye shumë nga fansat.

Në fakt, edhe Britney vetë ishte aq entuziaste sa postoi jo një, po tre foto gati identike, vetëm që të tregonte sesa shumë po i gëzohej modelit të ri.

“ Preva flokët! E dini cfarë thonë..largoni të vjetrën…sillni të renë!!”, ka shkruar ajo. Në fakt, nuk ka faj që po e shijon kaq shumë këtë moment, sepse të gjithë mendojnë se kjo prerje e ka bërë të duket më e vogël në moshë! E kush nuk i thotë “po” një prerjeje që vjen me një garanci të tillë?

Është një foto që duket si e pikturuar kartolina e sivjetshme e Krishtlindjeve e Harry dhe Meghanit, dicka shumë ndryshe nga kartolinat e zakonshmë të familjes mbretërore, por edhe një tjetër shenjë që tregon se tashmë Duka dhe Dukesha e Sussex janë shkëputur vërtet shumë prej traditave monarkike. Në kartolinë, shihen të dy duke qeshur me Archien, të rrethuar nga dy qentë dnjë shtëpizë e vogël në mesin e gjelbërimit të harlisur.

“Ju urojmë gëzuar Krishtlindjet dhe një vit të lumtur” –shkruhej aty. Një zëdhënës I familjes tha më vonë se pema e vogël e Krishtlindjeve, përfshirë stolitë e bëra vetë dhe dekorime të tjera, u zgjodhën nga Archie dhe pema do të mbillet pas pushimeve.

Pas një kohe të gjatë preferencash për emra të huaj, gjithmonë e më shumë po rikthehet në Shqipëri dëshira për t`i vendosur fëmijëve emra shqiptarë, dhe të tillë të bukur ka plot. Vajza e ministrit Blendi Klosi quhet “Ambla”, e ëmbël si puthja e mami Norës, që shprehur dikur ai. Për Orgesa Zaimin, emrat e zemrës janë Bora dhe Kroni, e bardha, e pastra dhe e përjetshmja e familjes, dhe burim uji, burim i jetës dhe i gjithë mirësive. Xhensila dhe Besi zgjodhën Ajkën për vogëlushen e tyre, ndërsa Elita dhe Gjiko e quajtën djalin, Zëri.

Jo të gjithëve u pëlqen një emër i tillë. Në fakt, një ndjekëse e qortoi moderatoren për zgjedhjen e berë. “Ju andej nga Shqipëria vendosni emra palidhje, Zëri, Ajka, etj. Nuk mendoni për të ardhmen e fëmijës sesi mund të tallen të tjerët”, ka shkruar ajo. Elita I ktheu këtë përgjigje: “Zonjë e dashur, pastë gjithmonë shëndet djali yt Noi. Por mos ia qaj hallin Zërit dhe Ajkës se do e mbajnë me krenari emrin e tyre shqiptar. Puthje!”

C`po ndodh me Instagramin e Papës?? Ati i Shenjtë po akuzohet sërish se nga profili i tij është pëlqyer një tjetër foto provokuese, dhe rrjetet sociale “u tërbuan”!  “Hej kjo jam unë”, shkroi Margot Foxx dhe publikoi një screenshot ku shihej se llogaria e saj ishte kontrolluar nga Papa Francesku e i ishte bërë një “like”, ndërkohë që vajza shfaqej aty me një trupore të ngushtë provokuese.

Vetë disa javë më parë bëri bujë të madhe lajmi se Papa, ose më saktë profili i tij ku dikush është e qartë se po ndërhyn, pëlqente një foto “hot” të modeles 27 vjecare Natalia Garibotto. Paskësaj, Vatikani i kërkoi shpjegime Instagramit se si ka mundësi që llogaria e Papës kishte bërë “like” në foton e modeles braziliane, duke përjashtuar mundësinë që ai “like” vinte nga Selia e Shenjtë.

“Lufta” e përhershme e Luana dhe Marina Vjollcës mbrëmjen e djeshme kaloi në një nivel tjetër. Po flasim për diskutimin që motrat bëjnë mes tyre, se cilën do më shumë mamaja e tyre, Maria dhe kësaj radhe “beteja” u zhvillua në Instagram, me video e foto.

Vajzat e familjes Vjollca dhe e ëma na uruan Krishtlindjen mbrëmë me këtë kartolinë të bukur, edhe pse me mungesa.

Ndërkohë në videot e Luanës në story, mund të shihen prapaskenat e fotos, ku moderatorja e “Shiko Kush Luan”, i kërkon mamasë t’i thotë që e do më shumë se Marina. Gjë që kjo e fundit e kundërshton.

Më pas Luana dhe Marina kanë shkuar në postimin e mësipërm, ku në fakt shihen dy komente nga Maria Vjollca, njëra që thotë se do më shumë Luanën, tjetra që do më shumë Marinën. Motrat sigurisht që akuzojnë njëra-tjetrën se i kanë shkruar vetë komentet.

Deri sa të zgjidhet kjo punë, gëzuar festat familja!

Sot festohet vigjilja e Krishtlindjeve dhe kjo është atmosfera më e bukur e vitit. Por disa të tjerë kanë më shumë arsye për të festuar. Dhurata Dora, Albi Nako dhe Dani i Jonida Maliqit festojnë ditëlindjet gjatë kësaj periudhe kaq të bukur.

Dhurata Dora mbushi sot 28 vjeç dhe dhurata më e bukur që mund të merrte ishte suksesi i këngës së saj “Harrom”, që ka arritur 1 milion shikime.
“Ditëlindja nuk mund të më gjente më mirë se kaq. 1 milion gati me ‘Harrom’, një nga këngët e mia më të dashura. Faleminderit për të gjithë suportin e pakushtëzuar. Nuk do ju lë asnjëherë poshtë dhe do punoj gjithmonë fort. Faleminderit”, shprehet Dhurata.

Koreografi Albi Nako gjithashtu ka lindur më 24 dhjetor dhe sot feston ditëlindjen e Krishtlindjet.

Si sot 9 vite më parë, Jonida Maliqi u bë nënë me ardhjen në jetë të Danit. Këngëtarja ka postuar një foto nga pema, ku në të ka vendosur edhe vogëlushit dhe shprehet: “Ti je dhurata me cmuar qe me bekoi Zoti, nuk e ke idene se sa te dua dhe se pa ty ekzistenca ime do te ishte e kote. Qe kur u bere pjese e jetes sime ndjej me fort lumturine, friken, dashurine e dhimbjen. Jeta ime me kalon para syve si nje film me metrazh te shkurter per cdo vit te ditelindjes tende. Te dua drita e syve te mi!”

Ingrit Gjoni, këngëtarja që prej vitesh vazhdon të na sjellë hite feston sot ditëlindjen dhe gjithashtu Krishtlindjet.

Gjithashtu aktorja Arta Muçaj e njohur për rolin e “Didit” në serialin “Njerëz dhe fate” feston sot ditëlindjen.

Ditën e sotme në vigjilje të Krishtlindjeve edhe blogerja Marigona e njohur si Ninna solli në jetë princeshën e saj Andrra.

Këtë fundvit një sfidë argëtuese po qarkullon në Instagram. “Show me a picture of” është trendi që po e shohim në shumë llogari këto ditë. Ajo konsiston në publikimin e një fotoje që të kërkohet nga ndjekësit e tu në Instastory.

Si duket kjo lojë është përqafuar edhe nga personazhet publike që kanë vendosur të ndajnë me fansat e tyre fotot që ata kërkojnë, duke na treguar edhe momente për të cilat kemi qenë të gjithë kuriozë. Ndër to është edhe Tayna e cila na ka treguar mbrëmjen e djeshme shumë foto të cilat do kishim dashur t’i shihnim me kohë.

Sigurisht askush nuk e ka vënë në dyshim faktin se Tayna është një super yll, por ajo mbetet kaq e mirë edhe pa makeup. E pyetur nga fansat mbi një foto pa makeup ajo ka publikuar këtë:

Shpesh në intervista personazhet publike pyeten rreth historive të tyre kur janë dehur, por nuk kemi patur rastin t’i shohim në këto momente. Epo, reperja na e ka treguar mbrëmë një foto kur ka qenë e dehur dhe duke u kënaqur në maksimum në Zvicër.

Meqë po flisnim pak më lart për bukurinë, ja ku e keni Taynën në gjimnaz! Me flokë të zeza, me onde, të gjata dhe kaq seksi.

Dhe sigurisht, kurioziteti mbetet i madh përveç momenteve të lumtura dhe nën efektin e alkoolit, edhe për periudhat e vështira. Duke qenë se i shohim në ekran e rrjete sociale gjithnjë në super formë e të lumtur, personazhet publike, ashtu si të gjithë, kanë momentet e tyre të vështira kur nuk ndihen mirë.

Ja Tayna:

Khloe Kardashian u kujdes t’ja zbukuronte festat Vanessës, bashkëshortes së Kobe Bryant. Khloe i ka dërguar familjes së Vanessës një shtëpizë prej biskote.

Në çatinë e kësaj shtëpize shkruhet emri i Vanessës dhe tre vajzave ndërsa në krahun tjetër emrat e Kobe dhe Gianna, të cilët u ndanë nga jeta në janar të këtij viti pas një aksidenti me helikopter. Khloe u kujdes që me këtë dhuratë të sillte sadopak gëzim në familjen e Bryant, por edhe t’i bashkonte ata përmes kësaj shtëpize të ëmbël.

Vanessa publikoi disa video duke treguar surprizën e Khloes dhe gëzimin që patën fëmijët kur e panë.
“Shiko, ka të gjithë emrat tanë. Khloe faleminderit shumë, është kaq e bukur”- thotë Vanessa.

“Santa Claus”, siç njihet tek ne Babagjyshi i Vitit të Ri, është gjithandej i pranishëm në këto ditë festash, por kjo gjë mund t’i bëjë konfuzë shumë fëmijë, raporton “Fatherly.com”. Duke parë kaq shumë Babagjyshë rreth e rrotull, lindi një pyetje: “Është i vërtetë Babagjyshi? Dhe nëse po, cili prej tyre është i vërteti?”

Asnjë prind, në fakt, nuk do që t’i gënjejë fëmijët, por natyrisht, asnjë nuk do që t’u prishë magjinë e festave dhe lumturinë. Megjithatë, në rastin e një të vërtete të tillë, shumë prindër mendojnë se fëmijëve u duhet thënë se Babagjyshi nuk ekziston, por në një mënyrë më të ëmbël.

Chantel R., një këshillues prindërish, ndërsa rekomandon çfarë duhet të bëni përpara një pyetjeje të tillë, këshillon se prindërit nuk ngurojnë t’ua hedhin poshtë fëmijëve mitin e Babagjyshit, me arsyen se “nuk duan t’i gënjejë ata.”

Po ju në cilin grup jeni? A do t’jua shpjegonit fëmijëve tuaj të vërtetën për ekzistencën e Babagjyshit?

Si mund ta keni një shpjegim të mirë që Babagjyshi është apo jo i vërtetë dhe cili është i vërteti? A ua humbet ky shpjegim magjinë e festave fëmijëve? Apo mund të jetë më mirë për ta?

Këtyre pyetjeve, më poshtë u vjen një përgjigje e ëmbël nga një nënë, e cila para disa vitesh i ka shkruar një letër (e botuar në “Neë York Times”), e cila kishte një përgjigje të përkryer për ekzistencën e Babagjyshit. Një pjesë e letrës së Martha Brockenbrough për të bijën është postuar më vonë në pothuaj çdo kohë festash.

“E dashur Lucy,

Faleminderit për letrën tënde. Ke bërë një pyetje mjaft të zgjuar: ‘A ekziston ti Santa?’

E di që përgjigjen e kësaj pyetjeje e ke kërkuar prej kohësh, ndërsa unë kam menduar gjithmonë si të të përgjigjem.

Përgjigja është “Jo”. Unë nuk ekzistoj. Nuk ekziston asnjë Santa.

Unë jam një person që kam ndihmuar për të gjetur dhuratat e tua të Krishtlindjeve. Po ashtu, kam nxituar për t’i vendosur ato poshtë pemës.

Të njëjtën gjë ka bërë edhe mami im për mua, por edhe nëna e saj për të. (Dhe, natyrisht, baballarët kanë ndihmuar gjithashtu).

E imagjinoj që këtë gjë do të bësh edhe ti një ditë me fëmijët e tu dhe e di që do të lumturohesh kur t’i shohësh ata të vrapojnë drejt pemës së Krishtlindjeve mëngjesin e festës për të hapur dhuratat.

Do të lumturohesh duke i parë ata të ulur poshtë asaj peme, me fytyrat e qeshura dhe të shkëlqyeshme nga dritat magjike të festës.

Ky moment është Babagjyshi i vërtetë.

Babagjyshi është më i madh se një njeri dhe puna e tij është shumë më e lodhshme se e secilit prej nesh. Ajo që do ai, është shumë e thjeshtë, por e jashtëzakonshme dhe e pakrahasueshme me asgjë tjetër në botë. Ai u mëson fëmijëve të besojnë në diçka që nuk mund ta shohin ose ta prekin.

Është një punë shumë e madhe, por edhe mjaft e rëndësishme njëkohësisht. Gjatë gjithë jetës sate do ta ndjesh nevojën për të besuar: tek vetja, tek miqtë, tek talenti yt dhe tek familja jote.

Po ashtu do të kesh nevojë të besosh në gjëra, të cilat nuk mund t’i mbash gjithmonë në duar. Dhe këtu e kam fjalën për dashurinë dhe fuqinë e saj të pashtershme për të të rrethuar në çdo fushë të jetës, madje edhe në momentet e errëta, edhe në acarin e ftohtë, ajo do të të ndriçojë dhe do të të ngrohtë.

Santa është mësues dhe unë jam një prej studenteve të tij. Tani edhe ti e mësove sekretin e vendosjes së dhuratave në këtë vigjilje Krishtlindjesh: ai ndihmon të gjithë njerëzit që duan t’i bëjnë të lumtur fëmijët e tyre.

Me shumë dashuri në zemër, njerëz si babi dhe unë, e kthejnë të qenit Santa në një lloj pune, e cila në fund shpërblehet vetëm me një dashuri të madhe.

Kështu pra, jo, Santa nuk ekziston. Santa është dashuri dhe magji dhe shpresoj, edhe lumturi. Unë jam në grupin e tij, por edhe ti po ashtu.

Të dua dhe do të të dua shumë!

Mami

Gëzuar festat të gjithë prindërve dhe fëmijëve. Tani, shkoni puthni fëmijët tuaj.“

Ledri Vula dhe Sara Hoxha s’mund të ishin më të lumtur me jetën e tyre prindërore. Ndonëse kanë pak ditë që janë bërë prindër dyshja ndan shumë foto me Poem Blu, madje i kanë hapur të voglës edhe një llogari në Instagram.

Gjatë pritjes së ëmbël, prank-u i Sarës dhe kënga “Si baba” na lanë të mendojmë se Ledri do ishte një baba shembullor dhe shumë i dhënë pas së bijës.

Pasditen e sotme Sara ka ndarë me fansat në Instastory një fotot të adhurueshme të reperit dhe Poem Blu duke fjetur së bashku.

Por, vëmendje mori mbishkrimi i fotos.

Unë: Ledri mbaje pak sa të vishem.

Kthehem pas dy minutash:

E mirëkuptojmë nevojën e Ledrit për gjumë, por ahhh…kjo fytyra ëngjëllore e Poemës…

Ledri dhe Sara nuk kanë vonuar dhe kanë nisur shëtitjet, që tashmë janë më të bukura se kurrë me prezencën e të voglës së tyre.

Më shumë se një javë më parë ata morën në duar bekimin e tyre të parë. Sara solli në jetë vogëlushen që kaq shumë e kishin pritur, të cilën e pagëzuan me emrin Poem Blu.

Dyshja nuk na e kurseu në rrjete sociale portretin e të voglës, që u kthye menjëherë në bebushin më të komentuar në Shqipëri e Kosovë. Poem Blu duket të ketë një domethënie të madhe për Ledrin dhe Sarën, të cilët pagëzuan frytin e dashurisë së tyre të madhe.

Anxhela Peristeri u shpall ditën e djeshme fituese e “Festivalit të 59-të të Këngës”. Artistja do të përfaqësojë Shqipërinë në “Eurovision” me këngën “Karma”, me tekst të Olti Currit dhe orkestrim të Kledi Bahitit. Pas fitores së Anxhelës pati kontestime nga disa artistë pjesëmarrës, të cilët nuk ishin dakord me vendimin e jurisë së festivalit.

E para që reagoi kundër fitores së Anxhelës ishte, Enxhi Nasufi, e cila edhe para disa kohësh u shpreh se ishte vetë Peristeri që i përhapi lajmet e rreme për fitore disa muaj më parë. Ndërkohë mbrëmjen e djeshme pas fitores së Anxhela Peristerit, Enxhi shkroi: “Gëzuar Baftjar! Një kuriozitet kisha unë. Kush është miza dhe kush bleta? Herë tjetër futini ndonjë kurs aktrimi kur merrni çmimin se s’di. Shihemi në festivale të tjera”.

Gjithashtu edhe Rosela Gjylbegu shprehu hapur pakënaqësitë e saj për festivalin.

Sakaq Anxhela ka reaguar ditën e sotme për herë të parë pas fitores. Ndërkohë që pritej të thoshte diçka për të gjithë ata që i dolën kundër, Peristeri ka zgjedhur t’i injorojë të gjitha fjalët e të mos flasë për askënd tjetër, përveç atyre që e kanë ndihmuar në këtë rrugëtim.

“Ju falenderoj te gjitheve per mbeshtetjen tuaj! Mbreme u finalizua nje tjeter rrugetiim per mua dhe shume tjera me presin.Kam marre kaq shume dashuri nga ju kte periudhe dhe do mundohem t’ua shperblej me se miri!Falenderimet jane te shumta por mbi te gjitha dua te falenderoj artistet qe me mbeshteten dhe besuan tek une dhe kenga ime.Lumturia ime eshte shume e madhe sonte dhe rastis qe jemi dhe ne prag Krishtlindjesh keshtu qe uroj te jeni te gjithe te lumtur ne familjet tuaja! Jemi duke kaluar nje periudhe shume te veshtire qe po e perballojme me force dhe kurajo keshtu qe shpresoj qe ky festival tju kete sjelle harmoni dhe tju kete larguar sado pak nga realiteti i hidhur. Pergezoj organizatoret e festivalit Z. @martin_leka Z. @sokol_marsi dhe regjizorin @palikuke , te gjithe te tjeret qe punuan mbas kuintave dhe @klodianqafoku sidomosdhe gjithashtu dua te bej nje falenderim te vecante per @kledibahiti dhe @olticurri pa te cilet sdo ishte kjo kenge, @esdalin_gorani dhe trupen e tij per koreografine e mrekullueshme, @jonipeci_store per imazhin tim dhe @lorel_makeupartist per make-up dhe floket e mia.Dhe embelsiren per ne fund. Dua te falenderoj pa mase jurine e festivalit qe e shpalli kengen time fituese te ketij edicioni te 59 dhe na dhane mundesine per te perfaqesuar Shqiperine ne Eurovizion! Ishte nje festival i jashtezakonshem qe me dha nje lumturi te jashtezakonshme! Shendet dhe dashuri per te gjithe!”, ka shkruar Anxhela.

Ky vit nisi me bekime për reperin Skerdi dhe bashkëshorten e tij, Vesa. Dyshja e njohur u bënë prindër për herë të parë me një djalë, të cilit i vendosën emrin Roi. Tashmë ai është personi më i rëndësishëm në jetën e tyre dhe këtë gjë, Skerdi ka vendosur ta dëshmojë edhe me një këngë. Reperi ka zbuluar ditën e sotme se shumë shpejt do të vijë me një projekt muzikor dedikuar djalit dhe bashkëshortes së tij.

Këtë këngë duket se ai do ta shoqërojë edhe me momentin më të bukur të jetës së tyre, lindjen e Roit. Skerdi ka postuar në Instagram një pjesë të shkurtër nga kënga dhe video, të cilat janë realizuar para dhe pas lindjes së vogëlushit. Këto çaste janë mjaft emocionuese dhe ai ka vendosur t’i ndajë për herë të parë me fansat e tij. Dhe këngën ka menduar ta sjellë në një ditë shumë të rëndësishme, për ditëlindjen e të birit.

“Ky projekt i dedikohet djalit tim Roit dhe gruas sime Veses. Nje emocion i forte mes vargjesh me kaplon sa here degjoj kete kenge te cilen e krijova pak nga pak teksa shihja djalin tim duke u rritur. Sot jam mirenjohes ndaj Zotit per kete bekim qe m’ka dhene dhe ne njevjetorin e engjellit tim, kjo do jete dhurate nga shpirti i nje babai… #comingsoon“, ka shkruar reperi përkrah videos.

Dhurata Dora festoi ditën e sotme 28-vjetorin e lindjes. Ajo mori qindra urime nga miq e fansa të saj, por më i veçanti është ai i mikes së saj më të mirë, Sara Hoxha.

Kjo e fundit ka postuar në rrjete sociale një foto të vogëlushes Poem Blu dhe i ka bërë një dedikim shumë speciale Dhuratës. Sara duket se i ka vendosur të voglës një pampers që vetë Dhurata ka shkruar për Poem Blu, para se ajo të vinte në jetë. Gjatë festës së baby shoëer-it, Sara ju dha gjithë mikeve të saj nga një pampers dhe ato lanë nga një shënim për vogëlushen.

Përkrah fotos së Poem Blu, Sara ka shkruar këto fjalë për Dhuratën: “Në ditën tënde speciale ne veshëm pampersin tënde teze. Gëzuar ditëlindjen, të duam shumë”.

Sara ka treguar se e vogla e saj ka krijuar një lidhje të ngushtë me Dhuratën, që tani edhe pse nuk është njohur ende me të. Ajo postoi në rrjete sociale një foto, në të cilën Poem shihej duke fjetur dhe tregoi se ajo e bën gjumin më të mirë kur i këndon Dhurata.

“Poem Blu fle më mirë kur Dhurata Dora këndon për të”- shkroi Sara krahas fotos ku e bija shfaqej duke fjetur.

Po sikur t’ju themi se gjërat mes Taynës dhe Dafinës nuk janë fiks ashtu siç kemi menduar? Thumba, diss-e, shoqëri e prishur, e shumë gjëra të tjera… Si fillim le të hedhim një vështrim në gjithë atë që ka ndodhur!

Prej dy muajsh tashmë dy artistet kanë pushtuar mediat me lajmet mbi marrëdhënien e tyre, e cila supozohet se ka marrë fund. Në rrjete sociale nuk kanë munguar statuset e dyshimta thumbat e shumtë e diss-et që i kanë dhënë fund njëherë e mirë shoqërisë së tyre.

Risjellim në vëmendje se zërat për prishjen e raportit mes tyre nisën që në muajin korrik, pasi u vu re se dy këngëtaret nuk e mbështesnin më njëra-tjetrën për projektet e reja. Ndryshe nga sa kishin bërë më parë, prej kohësh ato qëndronin në heshtje kur bëhej fjalë për suportin ndaj njëra-tjetrës.

E gjitha mori shumë zë kur Tayna ishte e ftuar në emisionin e Meriton Mjekiqit “Gjoni Black”, ku siç e do zakoni i këtij emisioni, ka bërë edhe një freestyle. Dhe të gjithë fansat mendojnë se ai është “diss” për Dafinën dhe kundërpërgjigje ndaj këngës së saj “Zili zili”.

Ndërkohë, Dafina bëri bujë me “Zili zili” që duket se është një “diss”, por nuk ka asgjë konkrete se me kë. Në vargje ajo thotë:

Inatin mrena nshpirt e kini
Smun dashni me dhon
Kur n’zemer tane ki veq zili, zili

Silly silly
You actin crazy cuz you made a milly
I kom n’bank ëuz the dealy
Ju Skeni pa real real hustler

Asnjëra prej tyre nuk ka reaguar publikisht deri tani për temën. Burime ekskluzive bëjnë me dije për “iconstyle.al” se  Tayna e ftuar në një emision televiziv, episod i regjistruar që do transmetohet së shpejti, e pyetur për Dafinën ka thënë se është artiste shumë e mirë.

Nuk mund të themi me siguri çfarë ka ndodhur por respekti mbetet ende.

Tayna dhe Dafina shfaqën jo pak kimi në bashkëpunimin e tyre të titulluar “Bye bye” që është edhe bashkëpunimi mes dy femrave shqiptare me më shumë klikime.

Loredana është jo vetëm reperja por edhe ndër artistet shqiptare më të suksesshme, duke korrur suksese edhe në tregun ndërkombëtar. Për shkak të rrymës së muzikës, Lori ka krijuar te publiku figurën e një vajze rebele, mistrece, të pabindur. Do e tepronim nëse do e quanim “tomboy”?

Gjithsesi, ajo na ka surprizuar të gjithëve mbrëmjen e djeshme duke postuar një foto duke gatuar. Emmm, prit! Jo thjesht duke gatuar, por duke tërhollur. Nuk e dimë se çfarë po përgatit reperja, por ja që ajo di të jetë edhe amvisë e “gocë për shtëpi” shembullore.

Në këtë rast, do vlente shprehja “Loredana i bën të gjitha!” Ajo po e mbyll 2020 në mënyrën më të mirë të mundshme. Pak ditë më parë, reperja publikoi albumin e saj “Medusa” që po korr shumë sukses dhe është pritur goxha mirë nga fansat.

E dimë të gjithë tashmë që Hadidët s’mund të gjenin nuse më të mirë se Dua jonë dhe vetë ata e kanë kuptuar këtë gjë. Nga Mohamed te Yolanda e sigurisht Gigi e Bella, të gjithë kanë treguar se këngëtarja me origjinë shqiptare ua ka vjedhur zemrën.

Nuk mungojnë postimet e shpeshta në rrjetet sociale së bashku, duke u kthyer në model për marrëdhënien që kanë ndërtuar. Megjithatë, duket se Dua është pak fare më e lidhur me Gigin, me të cilën ka patur miqësi para lidhjes me Anwar.

Pa i shpëtuar trendit të këtyre ditëve, “Show me a picture of”, Dua iu është përgjigjur fansave të cilët i kanë kërkuar një foto me modelen, duke publikuar këtë super selfie.

Sakaq, ajo na ka ëmbëlsuar edhe me një foto plot dashuri me Anwar:

Nuk kanë kaluar shumë vite nga koncerti i parë i këngëtare, por sukseset e saj kanë krijuar idenë se ka një jetë në muzikë. Për të gjithë nostalgjikët, kjo është fotoja e koncertit të saj të parë në Londër.

E sigurisht siç ka treguar artistja me famë botërore, nuk do ishte këtu ku është pa mbështetjen e vendit të saj. Fansat i kanë kërkuar një foto të sajën në Kosovë dhe ajo ka zgjedhur foton e koncertit të parë, krah Dukagjinit, babait të saj.

Dhe qershia mbi tortë një foto e Duas bebe:

Ndryshe nga sa u raportua, Dua ka udhëtuar drejt SHBA dhe e ka kaluar mbrëmjen e djeshme me partnerin e saj, Anwar.

Para disa kohësh Chrissy Teigen dhe bashkëshorti i saj, John Legend, humbën fëmijën e tyre të tretë, Jack. Një ngjarje e trishtë për çiftin dhe mesa duket modelja 35-vjecare ende po mundohet ta kalojë këtë situatë të vështirë.

Së fundmi ajo ka pubikuar një foto në llogarinë e saj zyrtare në Instagram, ku ka rrëfyer në mënyrë te sinqertë se ka vendosur të mos mbetetet më shtatzënë

‘’Kjo jam unë dhe trupi im. Edhe pse nuk jam shtatzënë, çdo dalje në pasqyrë më kujton se çfarë mund të kisha qenë. Dhe unë nuk kam asnjë ide pse e kam barkun të fryrë, sinqerisht është shumë e mërzitshme. Më pëlqen shumë të jem shtatzënë dhe ndihem e trishtuar që nuk do të jem kurrë më. Por jam me fat që kam 2 fëmijë të mrekullueshëm që po transformohen në njerëz të rritur çdo ditë e më shumë’’– ka thënë ndër të tjera modelja.

Kujtojmë se pak kohë më parë, ajo ndau me ndjekësit vendimin për të bërë një tatuazh ne kyçin e dores, me emrin e dajlit të saj, një menyrë kjo për të mbajtur gjallë kujtimin e tij.