Lista e personazheve të njohur shqiptarë që janë prekur nga Covid-19 është shtuar ditët e fundit, në përpjesim të drejtë edhe me situatën e pandemisë në vendin tonë, teksa numri i rasteve ditore është në rritje. E fundit që ka ndarë me publikun lajmin se ka rezultuar pozitive me koronavirus është Eneda Tarifa
Këngëtarja, me anë të postimeve në Instagram, ka treguar se menjëherë sapo ka parë që ka humbur sensin e shijes dhe nuhatjes, simtoma shumë të zakonshme të Covid+19, ka bërë tamponin, i cili është kthyer pozitiv. Kështu, Eneda është vetëizoluar menjëherë, së bashku me vajzën, e cila dy ditët e fundit ka qenë në gjendje gripale, me temperaturë 37.5-37.9. Shenja që mund të jenë edhe të koronavirusit.
“Dje më iku shija dhe nuhajta e kjo ishte shtysë që të bëja tamponin dhe dola pozitive. Rezulton që e kam marrë por nuk e di se nga ku sepse unë jam shumë e kujdesshme. Jam komplet asimptomatike, nuk ndjej asgjë. E vetmja gjë që më shtyu të bëja edhe tamponin ishte fakti që humba nuhatjen. Unë jam një qejflie ushqimi e jashtëzakonshme dhe kur nuk ndjej shijen e ushqimit ndihem keq. Ja edhe tani po pi një kafe dhe nuk e di fare çfarë shije ka, Shpresoj të mos përkeqësohem, por mesa po kuptoj ky është maksimumi i simptomave të mia, Mjekim për momentin nuk po marr.”- thotë moderatorja e “Portokalli” në videon e parë që ka shpërndarë në Instagram.
Ndërkohë në videon e dytë Tarifa thotë se do të qëndrojë e izoluar të paktën për 10 ditë, por nuk do donte të rrinte më shumë pasi kjo do të thotë që doi duhej të humbiste dy javë nga Portokallia dhe do t´i mungonte shumë. Qëndrimin në shtëpi këngëtarja e quaj si një detyrim jo vetëm ndaj vetes dhe familjes, që nuk do t´i takojë dot këtë periudhë, por edhe ndaj miqve e kolegëve. Prandaj ajo u ka bërë thirrje të gjithë atyre që janë të infektuar, të mos dalin nga shtëpia sa të shërohen sepse çdo punë tjetër pret.
Po ashtu Tarifa ka theksuar se duke qenë shumë optimiste dhe e fortë do e kaloje lehtë këtë situatë., ndërsa falenderon të gjithë për mesazhet dhe dashurinë që i kanë dhuruar.
