Rezidentët e një komuniteti në Gjermaninë Qëndrore kanë trashëguar në mënyrë të papritur prona dhe një portofol aksionesh që kapin vlerën e 6.2 milionë eurove, pas ndarjes nga jeta të një prej fqinjëve të tyre.
Renate Ëedel kishte jetuar në distriktin Weiperfelden në Hesse, me bashkëshortine saj, Alfred Wedel, që prej vitit 1975, komunitet ky i përbërë nga 6 fshatra. Alfred, nëj biznesmen i suksesshëm bursash ndërroi jetë në vitin 2014 dhe Renate, e cila qëndronte në një azil në Frankfurt që prej 2016-ës, ndërroi jetë në dhjetor të 2019-ës, në moshën 81-vjeçare.
Në prill të këtij viti distrikti u informua se gruaja i kishte akorduar atyre në një llogari bankare, aksione në bursa dhe të tjera të mira materiale. Motra e Renate-s, e cila ishte trashëgimtarja e saj e parë, kishte ndërruar jetë dhe tashmë pasuria i kishte kaluar automatikisht atyre. Fillimisht autoritetet nuk e kishin besuar se ishte e vërtetë ajo që kishte ndodhur, duke dyshuar për ndonjë gabim në shkrim.
Edhe Bashkia e qytetit të saj përfitoi një pronë të rëndësishme në Weiperfelden, e cila i ishte lënë një pjesëtari të familjes, por ai nuk e kishte pranuar pasi nuk mund t’i përballonte shpenzimet. Komunitetit, pra fqinjëve të familjes Wedel dhe gjithë banorëve të tjerë të zonës, të cilët tani kanë 6 milionë euro më shuë, janë të detyruar që t’i përdorin ato për infrastrukturën e zonës dhe për të tjera të mira për qytetin dhe fshatrat.
Njerëzit dhe zyrtarët e komunës sigurisht që i kanë pranuar paratë, duke falenderuar çiftin për trashëgimë e rëndësishme që kanë lënë dhe që tani po diskutojnë për çfarë do t’i përdorin, patjetër në të mirë të komunitetit.
