Aktorja pushohet nga puna, për komente raciste të bëra vite më parë

Aktorja Shila Iqbal është pushuar nga telenovela britanike “Emmerdale”, për shkak të komenteve raciste të bëra në vitin 2013 në llogarinë e saj personale në “Twitter”. Ndonëse u shpreh se i vinte shumë keq për gjuhën e papërshtatshme të sajën në moshën 19-vjeçare, Shila Iqbal u detyrua të hiqte dorë nga roli i Aiesha Richards.

“Programi mori vendimin që të mos e ripërtërinte kontratën në momentin që këto postime u sollën në vëmendjen e kompanisë”- u shpreh një zëdhënës i telenovelës. Televizioni britanik “ITV” nuk bëri të ditur se çfarë kishtë thënë aktorja në postimet e saj, ndërkohë që, ajo vetë e ka fshirë llogarinë personale në “Twitter”.