Bruno Ganz, i cili luajti rolin e Hitlerit, vdiq në moshën 77 vjeçare.
Bruno Granz, i cili luajti rolin e Hitlerit në filmin e vitit 2004, ka vdekur në moshën 77 vjeçare, shkruan BBC, transmeton lajmi.net.
Aktori zviceran vdiq në shtëpi në Cyrih të premtën mbrëma, tha menaxhmenti i tij.
Ganz, ishte i njohur në kinema dhe teatër në gjuhën gjermane dhe gjithashtu kishte role në filma në gjuhën angleze, përfshirë “The Reader” dhe “The Manchurian Candidate”.
Roli i tij më i famshëm ishte ai i Adolf Hitlerit, filmi “Der Untergang”, tregonte historinë e ditëve të fundit të Hitlerit në bunkerin e tij në Berlin.
Në vitin 2005, aktori i tha gazetës “The Guardian” se ai kaloi katër muaj duke u përgatitur për rolin, duke studiuar të dhëna historike, përfshirë edhe një kasetë të fshehtë të Hitlerit dhe duke vëzhguar njerëzit me sëmundjen e Parkinsonit, të cilën besohet se e kishte diktatori.
Ai kishte fituar çmimin “BBC Four World Cinema” dhe ishte i nominuar në “Academy Award” në kategorinë “Filmi më i mirë i Huaj”.
Ganz po vuante nga kanceri i zorrës së trashë.
