Cila pjesë e trupit ju vjen në mendje për të nuhatur, duke menduar për një parfum? Qafa, veshët, flokët, gjoksi, sqetullat? Jo për Jean Paul Gaultier: stilisti sapo ka hedhur në treg aromën e re duke u fokusuar tek këmbët. Muza e “parfumit skandaloz” është Irina Shayk, top modelja me këmbë “kilometrike”, në një fushatë reklamash të luajtur mbi pëshpëritjet, veshjet e zeza dhe të bardha dhe aksesorët strategjikë.
Aromat e dardhës, jaseminit dhe mjaltit të mbyllura në një shishe me këmbët e gjata dhe elegante të trupit femëror, të vendosura mbi tapë, “Skandal à Paris” nga Jean Paul Gaultier, mbështetet mbi kureshtjen që ngjall reth vetes skandali, shkruan Tgcom 24.
Nuk ka asgjë për të fshehur Irina Shayk, dhe ndërsa të gjithë (në video) i mbulojnë sytë dhe gojën kur ajo kalon, duke bërtitur “skandal!”, ajo vazhdon, me të brendshme të zeza nën xhaketën e saj, takat e larta dhe vështrimin sfidues.
Fjalë për fjalë, mes këmbëve të Irina Shayk, qesh Jean Paul Gaultier. Bazuar mbi provokimin ai krijoi koleksione pas koleksioneve dhe ndërtoi perandorinë e tij të modës. Dhe në moshën 67 vjeç, ai nuk ka ndërmend të heqë dorë.
