Ju pëlqejnë akulloret? Nëse i përkisni këtyre personave, rrezikoni seriozisht shëndetin

Ndërsa moti bëhet gjithnjë e më i nxehtë në verë, akulloret shndërrohen në ushqimin e preferuar për shumë njerëz.

Është e vërtetë se akullorja mund të na sjellë një ndjenjë freskuese gjatë stinës së nxehtë të verës, por jo të gjithë janë të ‘’përshtatshëm’’ për të ngrënë akullore.

Më poshtë, ju rendisim katër grupe njerëzish që nuk duhet të hanë akullore, pasi në të kundërt, mund të shkaktojë dëmtime serioze në trupin e tyre.

Së pari, renditen njerëzit që duan të humbin peshë

Akullorja ka një përmbajtje të lartë të sheqerit dhe yndyrës, të cilat mund t’i bëjnë njerëzit të shëndoshë. Përveç kësaj, disa akullore përmbajnë acide yndyrore trans. Sipas hetimeve përkatëse, është gjetur se acide yndyrore trans janë një nga shkaqet kryesore të shtimit në peshë. Efekti i saj kryesor është grumbullimi i yndyrës në zonën e barkut. Si rrjedhojë, personat që duan të humbasin peshë, duhet të qëndrojnë larg akulloreve.

Së dyti, renditen gratë shtatzëna.

Pse gratë shtatzëna nuk duhet të hanë akullore? Kjo është kryesisht për shkak se kur gratë janë gjatë periudhës së shtatzënisë, sekrecionet e lëngjeve të tretjes do të ulen dhe funksioni gastrointestinal do të dobësohet. Nëse hanë shumë akullore të ftohtë, kjo do të bëjë që stomaku i tyre të punojë me shumë vështirësi, duke shkaktuar simptoma të tilla si dhimbje barku dhe diarre. Për më tepër, akullorja gjithmonë përmban një numër të madh të aditivëve të sheqerit dhe yndyrës, të cilat gjithashtu mund të shkaktojnë efekte negative në rritjen e fetusit.

Së treti, renditen fëmijët që janë në fazën e rritjes dhe zhvillimit

Akullorja, duke pasur një nivel të lartë të sheqerit dhe yndyrës, mund të shkaktojë obezitet tek të vegjlit. Përveç kësaj, fëmijët janë më alergjikë ndaj aditivëve ushqimorë që gjenden në akullore. Për më tepër, konsumimi i shumë akulloreve para vakteve ushqimore, jo vetëm që mund të ndikojë në oreksin e fëmijëve, por gjithashtu mund të shkaktojë probleme serioze me stomakun dhe gjithë sistemin e tretjes.

Së fundi, renditen të gjithë personat që janë të prekur nga diabeti.

Akulloret duke pasur, një përmbajtje të lartë të sheqerit, mund të bëjnë që niveli i sheqerit në gjak të rritet me shpejtësi tek individët diabetikë, duke rënduar kështu gjendjen e diabetit. Si rezultat, mjekët gjithmonë sugjerojnë pacientët me diabet, të mos konsumojnë akullore. Megjithatë, në tregun aktual, ekzistojnë disa lloje të akullores të cilat janë bërë posaçërisht për diabetikët. Këto lloj akullore nuk përmbajnë sheqer, por vetëm disa ëmbëlsues.

Advertisement
Loading...