Përdorimi i celularëve në Shqipëri ka pësuar një rritje dramatike në vitet e fundit, dhe vëmendja po shkon drejt telefonave smart.
Gjithashtu, mosha mesatare kur fëmijët marrin celularin e parë tani është ulur dhe shumica e të rinjve e mbajnë telefonin afër vetes shumicën e ditës dhe kur flenë.
Zyra për Mbrojtjen nga Rrezatimet mbështet fuqishëm udhëzimet e Departamentit të Shëndetit Publik të Kalifornisë se si të zvogëlojmë ekspozimet ndaj energjisë së radiofrekuencave, në të cilat funksionon telefonia celulare dhe pajisjet pa tel.
Telefonat
Në një kohë që përdorimi i telefonave celulare e sidomos atyre “smart” vazhdon të rritet në Shqipëri, sidomos te fëmijët, Zyra për Mbrojtjen nga Rrezatimet mbështet fuqishëm udhëzimet e Departamentit të Shëndetit Publik të Kalifornisë, i cili lëshoi së fundmi një udhëzues për individët të cilët duan të ulin ekspozimin e tyre ndaj energjisë së marrë nga radiofrekuencat e celularëve. Edhe pse komuniteti botëror nuk ka arritur akoma në një konsensus për sa i përket rrezikut nga përdorimi i celularëve, kërkuesit sugjerojnë se përdorimi afatgjatë i tyre mund të ketë ndikim në shëndetin e njerëzve, transmeton Mapo.al.
Edhe pse shkenca po përparon, në radhët e disa profesionistëve dhe te publiku ka disa shqetësime në lidhje me ekspozimin për një kohë të gjatë ndaj energjisë së emetuar nga celularët. Ne jemi të ndërgjegjshëm dhe të bindur se hapa të vegjël si mosmbajtja e telefonit në xhep dhe largimi i tij nga shtrati gjatë natës, mund të ndihmojë në uljen e ekspozimit si ndaj të rriturve, por edhe ndaj fëmijëve. Celularët emetojnë energji të radiofrekuencave kur ata dërgojnë apo marrin sinjale drejt dhe nga stacionet bazë të telefonisë celulare dhe disa shkencëtarë besojnë se kjo energji mund të ndikojë në shëndetin e njeriut.
Përdorimi
Përdorimi i celularëve në Shqipëri ka pësuar një rritje dramatike në vitet e fundit, dhe vëmendja po shkon drejt telefonave smart. Gjithashtu, mosha mesatare kur fëmijët marrin celularin e parë tani është ulur dhe shumica e të rinjve e mbajnë telefonin afër vetes shumicën e ditës dhe kur flenë. “Truri i fëmijëve zhvillohet gjatë viteve të adoleshencës dhe mund të jetë më i ndikuar nga përdorimi i celularëve”, sipas dr. Smith. Prindërit duhet të konsiderojnë reduktimin e kohës që fëmijët e tyre shpenzojnë në përdorimin e celularit dhe t’i inkurajojnë apo këshillojnë ata që t’i fikin këto pajisje gjatë natës.
Të rritur dhe fëmijë, për të zvogëluar ekspozimin ndaj energjisë së radiofrekuencave të celularëve duhet:
Mbajtja e celularit larg trupit, në çantë apo në vende larg jush
Reduktimi i përdorimit të celularit kur sinjali është i dobët (shikoni treguesin e sinjalit të jetë sa më i plotë)
Reduktimi i përdorimit të celularit për transmetimin e sinjaleve audio dhe video, ose për shkarkim dhe ngarkim të skedarëve të mëdhenj
Mbajtja e celularit larg krevatit gjatë natës
Heqja e kufjeve kur nuk jeni duke kryer një telefonatë
Përdorimi i kufjeve ose përdorimi me zë të lartë, që të kesh sa më larg kokës telefonin
Kur ke telefonin në përdorim, mbaje sa më larg kokës dhe trupit
Dërgo mesazhe dhe bëj sa më pak thirrje
Bëj thirrje kur ka sinjal të fortë
Mos mbaj telefonin celular në xhep dhe poshtë jastëkut
Aktivizo Airplane Mode në qoftë se nuk e përdor, sidomos gjatë natës
Mos përdor telefonin celular kur je në drejtim mjeti në lëvizje
Mos përdor telefonin celular për kohë të gjatë kur je brenda në makinë i parkuar
Mos përdor telefonin kur je shumë i lodhur dhe me dhimbje koke
Mos bëni gabimin të mendoni se telefoni me SAR të vogël është pa rrezatim
Për sigurinë tuaj, mos përdorni telefonin kur ecni në rrugë makine, në vijat e bardha
Fikni çdo pajisje pa tel gjatë natës, kur nuk ju nevojiten
Ndikoni te të afërmit tuaj të ndjekin këta rregulla të thjeshtë për zvogëlimin e ekspozimit
Efektet që mund të kenë fëmijët nga ekspozimet ndaj energjisë së valëve elektromagnetike
Fëmijët mund të jenë më të rriskuar nga ekspozimi ndaj energjisë së valëve elektromagnetike, sepse:
Energjia e valëve elektromagnetike mund të ndikojë një zonë më të madhe të trurit te fëmijët, se sa te truri i një të rrituri.
Truri dhe trupi i fëmijës rriten dhe zhvillohen gjatë viteve të adoleshencës. Gjatë kësaj periudhe, trupi mund të ndikohet më lehtë nga energjia e valëve elektromagnetike dhe efektet prej saj mund të jenë më të dëmshme dhe të zgjasin më shumë.
Një fëmijë që përdor telefon celular do të ketë një periudhë ekspozimi më të madhe, gjatë gjithë jetës, nga energjia e valëve elektromagnetike sesa një person i cili fillon të përdorë telefonin celular në një moshë të madhe.
Nuk ka shumë studime në lidhje me efektet e energjisë VEM të telefonit celular në fëmijë apo adoleshentë, por disa studime kanë treguar se mund të ketë efekte të rikthyeshme dhe ulje të mirëqenies së përgjithshme. Këtu bëhet fjalë për studime afatshkurtra. Zbatimi i këtyre rregullave nuk do të thotë që telefonat celularë nuk janë të sigurt
