Shumë shpesh njerëzit kanë tendencë të flasin me mendjen e  tyre me zë të lartë. Disa njerëz e bëjnë këtë rregullisht dhe disa më rrallë. Mirëpo a është kjo gjë normale? Sipas ekspertëve të flasësh me vetën është shumë normale dhe nuk duhet ta konsideroni si ndonjë simptomë e ndonjë sëmundjeje.

Mund të na duket e çuditshme ta bëjmë atë në publik, mirëpo shumica prej nesh e bëjmë këtë gjë, sidomos në disa raste kur jemi më të stresuar.

Sipas psikologëve të folurit me vete sjellje përfitime. Shumë psikologë u sugjerojnë pacientëve të flasin me veten, sepse kjo do të jetë një mënyrë shumë e mirë për të përmirësuar veten, për të qetësuar dhe për t’u përqendruar në gjërat pozitive, sidomos përpara një provimi apo një prezantimi.

Mirëpo cilat janë rastet kur të folurit me vete mund të jetë i dëmshëm?

Të folurit me veten në disa raste të ralla mund të jetë simptome e ndonjë çrregullimi mendor. Kur një bisedë me veten shoqërohet me lëndime të vetës apo me fraza përsëritëse, atëherë është më mirë të bëni një kontrollë tek mjeku përkatës

Sipas një hulumtimi të bërë nga Agjencia Ndërkombëtare për Kërkim mbi Kancerin e Organizatës Botërore të Shëndetësisë (OBSH), pirja e dy gotave pije me sheqer ose ëmbëltues në ditë mund të rrisë rrezikun e vdekjes së hershme.

Sipas lajmit të gazetës “Independent”, në hulumtim kanë marrë pjesë mbi 450 mijë të rritur të moshës mesatare mbi 50 vjeç nga 10 vende të Europës.

Hulumtimi nuk përfshiu personat që janë të sëmura nga sëmundjet si kanceri, të zemrës ose si diabeti.

Mbi 41 600 persona janë përfshirë në këtë hulumtim mes viteve 1992-2000 dhe të cilat janë vëzhguar mesatarisht gjatë 16 viteve kanë humbur jetën.

Gjatë hulumtimit, pjesëmarrësit u pyetën për pëlqimet e të ushqyerit si pije të gazuar, lëng frutash dhe pije energjike, si dhe stërvitjet, përdorimi i duhanit dhe pesha e tyre.

Hulumtimi vuri në pah se 9,3% prej atyre që konsumuan më pak se një gotë pije në muaj përgjatë 16 viteve humbën jetën, ndërsa prej atyre që konsumuan dy ose më shumë gota humbën jetën 11,5%.

Shkencëtarët theksuan se në rast se merren parasysh edhe faktorët të tjerë si indeksi i masës trupore, aktiviteti fizik, cigare dhe arsim, ata që konsumojnë dy gota pije në ditë kanë rrezik për vdekje të hershme 17%më shumë se ata që pinë më pak se një gotë.

Në hulumtim rezultatet kanë qenë të ngjashme edhe për meshkujt edhe për femrat.

Rezultatet e hulumtimit janë publikuar në revistën “JAMA Internal Medicine”.

Lëngu i kokosit, i quajtur ndryshe si “Lëngu i Jetës”, ka vlera tepër ushqyese dhe ofron një gamë të gjerë të përfitimeve shëndetësore.

Shumë studime kanë treguar se ai vepron si antioksidant i fuqishëm, antiinflamator, antibakterial, dhe si agjent antiviral, duke ndihmuar në trajtimin e kushteve shëndetësore të ndryshme. Lëngu i kokosit është i mbushur me sheqerna, vitamina, minerale dhe aminoacide. Përfitimet e saj shëndetësore, të tilla si ulja e presionit të lartë të gjakut, i atribuohet këtyre vlerave ushqyesve.

Arsyet pse uji apo lëngu i kokosit duhet përdorur sa më parë nga ju:

1. Zvogëlon presionin e gjakut

Uji i kokosit punon si zgjidhje e mahnitshme natyrore për uljen e presionit të gjaku, tek njerëzit me hipertension. Konsumi i rregullt i ujit të kokosit do të ndihmojë në mbajtjen e niveleve të presionit të gjakut në kontroll.

2. Ndihmon të sëmurët me diabet

Duke qenë të mbushur me elektrolit dhe kalium, uji i kokosit është i nevojshëm nga diabetikët, për të mbajtur nivelin e sheqerit në gjak, në kontroll.

3. Shëndeti kardiovaskular

Lëngu i kokosit mundëson shëndetin kardiovaskular në nivele optimale. Ai gjithashtu përmirëson qarkullimin e gjakut.

4. Ndihmon për të humbur peshë

Ajo që e bën lëngun e kokosit efektiv në nxitjen e humbjes së peshës është përmbajtja e lartë e elektrolitës. Është gjithashtu një pije izotonike natyrore, e cila ndihmon në nxitjen e metabolizmit.

5. Rrit imunitetin

Uji i kokosit është i mbushur me acid lauric, i cili rrit imunitetin dhe ndihmon në luftimin e infeksionit.

6. Forcon kockat

Për shkak të përmbajtjes së tij të lartë të kalciumit, uji i kokosit ndihmon në forcimin e eshtrave, muskujve dhe indeve.

7. Përmirëson tretjen

Enzimat Bioaktive të kokosit nxisin metabolizmin dhe permiresojnë tretjen.

8. Anti-plakje

Citokinat e pranishme në ujin e kokosit veprojnë si një masë parandaluese kundër plakjes dhe kancerit. Antioksidanti i tij mbron trupin nga toksinat dhe kimikatet e dëmshme, të cilat në anën tjetër e mbajnë lëkurën të gjallë dhe të qetë.

Domatet janë një sallatë e preferuar verore e shumë njerëzve. Frutat e lëngshme dhe freskuese të kuqe plot me likopen konsiderohen të sigurt dhe shumë të shëndetshëm, por domatet në të vërtetë mund të kenë disa efekte anësore të këqija.

Nëse keni ndonjë nga simptomat e mëposhtme, ju mund t’i përkisni një grupi njerëzish që nuk duhet të konsumojnë domate:

– Refluksi i stomakut

Domatet janë ushqime me shumë acid dhe për këtë arsye mund të shkaktojnë djegie te njerëzit që vuajnë nga gastriti ose refluksi gastroesofag. Edhe nëse jeni të shëndetshëm dhe nuk vuani nga këto probleme me stomakun, nëse hani shumë domate ose salcë domatesh, edhe ju mund të përjetoni këto simptoma të pakëndshme.

– Dhimbje në nyje

Besoni apo jo, nëse hani shumë domate mund të shkaktojë dhimbje në nyje! Arsyeja është një alkaloid i quajtur solanin, i cili ndërton kalcium në inde, dhe ka shumë prej tij në domate. Shumë kalcium në inde mund të shkaktojë inflamacion, dhimbje dhe ënjtje në zonën e kyçeve.

– Probleme të veshkave

Edhe kjo ka të bëjë me ruajtjen e kalciumit. Domatet janë gjithashtu të pasura me oksalate, një substancë që është e vështirë të metabolizohet kur merret shumë dhe mund të rezultojë në formimin e gurëve në veshka. Frutat me lëng të kuq gjithashtu përmbajnë shumë kalium, të cilat gjithashtu mund të ndikojnë në funksionimin e veshkave. Nëse tashmë keni disa probleme të veshkave, jini tepër të kujdesshëm!

– Reaksione alergjike

Domatja përmban përbërësin e histaminës, i cili ndihmon sistemin imunitar të luftojë viruset dhe bakteret. Ju nuk do të besonit se sa e zakonshme është një reaksion alergjik ndaj indeve të shkaktuara nga histamina dhe zakonisht ndodh në formën e një skuqje ose ënjtje në gjuhë, me disa simptoma të tjera të pakëndshme. Njerëzit të cilëve u është diagnostikuar alergjia e domates përjetojnë probleme shumë më të rënda.

– Gjethet e domates mund të jenë helmuese

Gjethet e domates nuk konsiderohen të sigurta për t’u ngrënë. Në sasi të mëdha ato mund të shkaktojnë simptoma të rënda dhe të rrezikshme, dhe në raste ekstreme edhe helmim dhe vdekje. Për çdo rast, shmangni plotësisht konsumimin e gjetheve të domates.

Një opinioniste e Huffington Post ka bërë një eksperiment me veten. Alexii Lardis vendosi të mos ankohej për dy javë. Nuk ankohej më në orën 3 pasdite në zyrë se u lodh, nuk acarohej kur të tjerët i zinin rrugën me makinë, dhe nuk qortonte asnjë që nuk e dëgjonte. Rezultati i këtyre dy javëve? Zbuloi se nuk ishte një njeri negativ, dhe sipas disa studimeve, personat optimistë jetojnë më gjatë. Ajo jep pesë këshilla se çfarë ndodh kur nuk ankohesh më:

1. Nuk fle aq sa duhet

Ankesa numër një? “Jam e lodhur”, ose “Jam e shkatërruar”. Kultura jonë na e ka pakësuar gjumin. Madje, ndonjëherë ndodh që “zemërohemi” me veten për faktin që ndjehemi të lodhur. Për më tepër, thotë Alexii e bezdiste fakti se ankohej gjithnjë se ishte e uritur.

2. Më pak debate

Edhe pse mund të mos jesh një tip grindavec, ndodh që të përfshihesh në debate pa vlerë. Gjatë periudhës së këtij eksperimenti Alexii thotë se mundohej të mos reagonte në mënyrë impulsive. “Më ndihmoi të mos shpërthej kot, por mbi të gjitha më ndihmoi të mendohem para se të hap gojën. Besoj se të gjithë e keni dëgjuar këtë frazë që nga kopshti: ‘Para se të flasësh, mendo njëherë’. Tani e kuptoj sa herë e kam injoruar këtë këshillë të thjeshtë”, thotë Lardis.

3. Rritet ankthi

Çështja është kjo: në përgjithësi kjo eksperiencë ka qenë pozitive për Alexii. Ajo e ndihmoi të reflektojë mbi reagimet e saj. Por thotë ajo, ndonjëherë njerëzit kanë dëshirë të shfryhen.

“Një ditë u ktheva në shtëpi super e lodhur, dhe pak lëmsh emocionalisht. Në vend që të flisja me miken apo të fejuarin tim, qëndrova në heshtje. Ishte si të thuash, sikur nuk e di në çfarë mënyre të jesh pozitive, në një moment të caktuar. Ishte pak e çuditshme…”, rrëfen ajo.

4. Negativiteti është gjendje mendore

Kur vendosa të mos ankohem, nisa të vërej se sa negative janë proceset mendore. Edhe pse nuk u ankova kur isha e lodhur apo e etur, vazhdoja ta mendoja këtë në kokën time. Njësoj si fjalët, edhe mendimet negative mund të jenë të rrezikshme.

5. Lutesh më shumë

Në sforcimin tim “për të kthyer negativen në pozitive”, i jam drejtuar Zotit. Ndoshta nga eksperiencat e shkuara, por pavarësisht motivit, kështu bëja. Jam ndjerë më e lehtësuar.

Morali?

Negativiteti është gjithmonë aty, pas derës. Pasi vendosi të bëjë “grevën e ankesave”, Alexii thotë se ka qënë dita më e keqe e jetës së saj. Do të merresh me një bisedë të vështirë, do i bashkohesh negativitetit të të tjerëve, do të keni probleme të ndryshme. Por kur ajo u ankua, rezultati ishte zhgënjyes.

“Një ditë më pas e kuptova që nuk duhet të bëjë qimen tra. Ka ditë të mira dhe ditë të këqija, por duhet të dini diçka? Varet gjithçka nga sjellja juaj”, thotë Lardis.

Nëse jeni ndër ata për të cilët humbja e peshës është një mision pothuajse i pamundur, grupi juaj i gjakut mund të jetë arsyeja.

Dieta ketogjene përqendrohet në konsumimin e yndyrnave të shëndetshme, proteinave dhe karburanteve të ulëta.

Kjo lloj diete është 75% yndyrë, 20% proteina dhe 5% karbohidrate. Por këto numra mund të ndryshojnë, bazuar në rekomandimet e mjekut ose dietologut tuaj.

Qëllimi i një diete ketogjene është minimizimi i marrjes së sheqerit dhe karbohidrateve.

Kësisoj, përveç se arrin ta minimizojë rrezikun e diabetit, kjo lloj diete mund ta kurojë edhe kancerin, në bazë të një logjike të thjeshtë: Karbohidratet kthehen në glukozë, gjersa glukoza i ndihmon qelizave kancerogjene të lulëzojnë.

Dr Otto Warburg, një studiues gjerman, iu dha çmimi Nobel në 1931-ën për zbulimet e tij në lidhje me dallimet themelore midis qelizave të kancerit dhe qelizave të shëndetshme, si dhe zbulimit të dietës ketogjene.

Ndiqeni piramidën ushqimore që duhet përcjellë, në rast se iu nënshtroheni kësaj diete, në fotografinë e mëposhtme.

Listën e sëmundjeve më vdekjeprurëse në botë deri tani e kryesonin ato kardiovaskulare.

Por zbulimi i fundit tregon tjetër gjë: Vrasësi më i madh në mesin e njerëzve të moshës së mesme, dhe në vende të konsideruara të pasura, sipas shkencëtarëve, është kanceri!

Dy studime të rëndësishme, të botuara në revistën prestigjoze “The Lancet” tregojnë se ekspertët gjetën prova të një “tranzicioni” të ri global mes llojeve të ndryshme të sëmundjeve kronike.

Hulumtimet janë realizuar në 21 vende të ndryshme të botës, ku janë ndjekur jetët e mijëra personave në periudhën e viteve 2005-2016, mosha mesatare e të cilëve ishte tek 50 vjeç.